هذه كلمات ساخره تم نسجها للسخرية من الإنقلاب العسكرى فى مصر
ادينى شوية بانجوووو..................أديك
مكتوب على ورقة بفرة. ......... لجل الشعب ما يتكيـــف
و الغرز فى مصر هاتكتر ... .....وهانقضى على التخلـــف
ولا قلب يخاف من كبسة.... لو كان حسيس و رُهَيـّــــف
و ها نصنع مليار شيشة ........ سلاح للغـــرب يخــوّف
وها يوصل للكل البانجو .........و النونو لو لسه متخلُـف
و عليه أيه تعليم و مدارس ........ ما دام الدماغ متستّف
و كل ما نختار ريـــس .......على طول العسكر يخطف
و يقولك مش إنقلاب ............طب صوتى فين يا مُـزيِّـــف ؟
و لما أعترض تحرقنى .......... و كمان لجثثى تجــرف
وتقوللى يا نور عنيا ......... و طيرانك لكرامتى بينسف
وقال بكرة تشوفوا مصر .........و أجود عليكم و اتعطف
و ألغى دستور منتخب ........ و أعين خمسين تألف
بقى هو ده دستــورى؟!!.......... بتقصه ليه و تأيّـف ؟
على قلوبنا 8 سنين .........تشتى فيهم و تصيف !!
تضربنا بأعفن جزمة ........ و ترغمنا كمان نهتف ..!!
و كل ما الضرب يزيد ........ نشجع كمان و نسقف
و نرضى بالفتات .......... و يموت فينا المتعفف
يا عالم بقى ده دستور ....... بمصر يليق و يشرف ؟!!
خد حقك من الضعيف ....... و مع العكسر متكتــف
و ف سجنه كمان يرميك ........ و يوقلك عوم و جـــدف
يا إما تسكت و تكتم ........وم التبن تاكل و تعلـــف
أو أمسح بك البلاط ............. و لسقف مصر أزعّــــفْ
كفاية الفقر علينا .......... لا فلوس و لا حد يسلف
قطارات و هايجة علينا .... و عماله فى الخلق تزحف
والمجروح يعمل فرح .... و الميت قيمته كام أهيف
و كهربا بتقطع دايما ..... و الضلمة ترعب و يخوف
و الميه بتقطع دايما ....و انت عالقاعدة بتـتـشطف
محتار تحت الدش ............ تلطــــم و لا تتــليــّــف
ما فيش ميه يا عالم ........ و الشعب خلاص قشف
دى بركات سد النهضة .......و النيل خلاص إتجفف ؟؟
شحتنا فى 6 شهور...........إنقلابكم دا حاجة تقرف
أومال لو فاتت سنة .........خوازيق تانى ايه ها تتحدف
رفاهيتكم عطرها فاح .......... و التراب للشعب اتسفف
ادينى شوية بانجوووو. ..............أديك دستور متكلف
مكتوب على ورقة بفرة. ........ لجل الشعب مايتكيـــف
0 التعليقات:
إرسال تعليق